విజయ్,కాజల్ ప్రధాన పాత్రలలో వస్తున్న “తుపాకి” నవంబర్ 9న భారీ విడుదలకు సిద్దమయ్యింది. తమిళంలో చిత్రీకరించబడిన ఈ చిత్రం తెలుగులోకి శోభారాణి ఎస్వీఆర్ మీడియా మీద అనువదించారు. ఈ చిత్రం అనువాద హక్కుల కోసం భారీ మొత్తం చెల్లించారు. తాజా సమాచారం ప్రకారం ఈ చిత్ర ఆడియోని అక్టోబర్ 29న విడుదల చెయ్యనున్నారు. ఏ ఆర్ మురగదాస్ దర్శకత్వం వహించిన ఈ చిత్రానికి సంతోష్ శివన్ సినిమాటోగ్రఫీ అందించారు. ఈ మధ్యనే విడుదల అయిన ఈ చిత్రం తమిళ ట్రైలర్ అద్భుతమయిన స్పందన సొంతం చేసుకుంది. ఈ చిత్రంలో చాలా భాగం ముంబైలో చిత్రీకరించారు.”బిల్లా 2″ చిత్రంలో విలన్ గా కనిపించిన విద్యుత్ ఈ చిత్రంలో ప్రతినాయకుడిగా కనిపించనున్నారు. హారిస్ జయరాజ్ ఈ చిత్రానికి సంగీతం అందించారు. తెలుగులో విజయ్ ఇంతవరకు ఒక్క విజయాన్ని కూడా నమోదు చెయ్యలేదు శంకర్ దర్శకత్వంలో వచ్చిన “స్నేహితుడు” చిత్రం కూడా ఇక్కడ దారుణంగా పరాజయం పొందింది. “తుపాకి” చిత్రంతో అయినా విజయ్ విజయం దక్కించుకుంటాడో లేదో చూడాలి మరి.