మెగా పవర్ స్టార్ రామ్ చరణ్ మరియు బాలీవుడ్ ముద్దుగుమ్మ ప్రియాంకా చోప్రా హీరో హీరోయిన్లుగా నటిస్తున్న రిమేక్ చిత్రం ‘జంజీర్’. హిందీ మరియు తెలుగులో అపూర్వ లిఖియా దర్శకత్వం వహిస్తున్న ఈ చిత్రాన్ని అమిత్ మెహ్రా నిర్మిస్తున్నారు. ఈ సినిమా కోసం సరికొత్తగా ఒక ప్రోమో సాంగ్ ని చిత్రీకరించనున్నారు. ఇటీవలే అపూర్వ లిఖియా చెబుతూ ‘ ఈ చిత్ర ప్రమోషన్ కార్యక్రమాల కోసం 2013 జనవరిలో రామ్ చరణ్ – ప్రియాంక మీద ఒక సరికొత్త ప్రమోషన్ సాంగ్ చిత్రీకరించనున్నాము. కానీ అది ఇది వరకే వచ్చి హిట్ అయిన పాటకి రిమేక్ మాత్రం కాదని’ ఆయన తెలిపారు. ఈ సినిమా హిందీ వెర్షన్లో సంజయ్ దత్ షేర్ ఖాన్ పాత్ర చేస్తున్నారు. ఇదే పాత్రని తెలుగులో సోనూ సూద్ చేస్తున్నారు. గతంలో అమితాబ్ బచ్చన్ చేసిన యాంగ్రీ పోలీస్ మాన్ పాత్రకి రామ్ చరణ్ ఎంత వరకూ న్యాయం చేస్తారా అని అందరూ ఎదురు చూస్తున్నారు. ఈ సినిమాకి యంగ్ తరంగ్ దేవీ శ్రీ ప్రసాద్ సంగీతం అందిస్తున్నారు. రామ్ చరణ్ మరియు దేవీ శ్రీ లకి ఇదే తొలి బాలీవుడ్ సినిమా కావడం విశేషం.