బాలీవుడ్ లో భారీ క్రేజ్ ఉన్న సూపర్ హీరో మూవీ క్రిష్ . హృతిక్ రోషన్ హీరోగా 2003లో వచ్చిన కోయీ మిల్ గయా చిత్రంతో మొదలైన ఈ ఫ్రాంచైజ్ నుండి ఇప్పటికి మూడు పార్ట్స్ వచ్చాయి. 2006లో క్రిష్ రాగ ఈ చిత్రంలో హీరోయిన్ గా ప్రియాంకా చోప్రా నటించింది. 2013లో క్రిష్ 3 విడుదల కాగా అందులో ప్రియాంక చోప్రా హీరోయిన్ గా, కంగనా రనౌత్ విలన్ రోల్ చేయడం జరిగింది. ఈ సక్సెస్ ఫుల్ సిరీస్ క్రిష్ 4 గురించి దర్శక నిర్మాత రాకేష్ రోషన్ ని అడుగగా మూవీపై అప్డేట్ ఇచ్చారు.
క్రిష్ 4 కి సన్నాహాలు జరుగుతున్నాయి. ఈ చిత్రం ఇప్పుడు స్క్రిప్ట్ దశలో ఉంది. కరోనా వైరస్ కర్ఫ్యూ ముగిసిన వెంటనే మిగతా కార్యక్రమాలు ఊపందుకుంటాయి. ఇక ఈ చిత్రంలో హీరోయిన్స్ ఎవరనేది ఇంకా నిర్ణయించలేదు అని అన్నారు. అలాగే గత ఏడాది హృతిక్ రోషన్ చేసిన సూపర్ 30, వార్ చిత్రాల పట్ల ఆయన సంతృప్తి వ్యక్తం చేశారు. వార్ 2019 బాలీవుడ్ హైయెస్ట్ గ్రాసర్ గా నిలిచింది.