“ఫోటో” చిత్రంతో తెలుగులో అంజలి తరువాత తెలుగు చిత్రాలలో పెద్దగా కనిపించలేదు. తమిళంలో షాపింగ్ మాల్” మరియు “జర్నీ” వంటి చిత్రాలతో ఆకట్టుకుంది. “జర్నీ” చిత్రంతో తెలుగులో కూడా మంచి పేరు సంపాదించినా అంజలి తరువాత వెంకటేష్ మరియు మహేష్ బాబుల కలయికలో వస్తూన మల్టీ స్టారర్ చిత్రం “సీతమ్మ వాకిట్లో సిరిమల్లె చెట్టు” చిత్రంలో అవకాశం కొట్టేసింది. తెలుగులోనే కాకుండా ఆమె ఇప్పుడు తమిళంలో కూడా బిజీగానే ఉన్నారు. అమీర్ ఖాన్ నిర్మాణంలో వచ్చి దేశమంతా టాక్ అయిన చిత్రం “ఢిల్లీ బెల్లి”. ఈ చిత్రానికి తమిళంలో రీమేక్ రూపొందుతున్న విషయం తెలిసిందే ఈ మధ్యనే ఈ చిత్రం కోసం ఆర్య మరియు అంజలి మధ్య ఈ దృశ్యాలను తెరకెక్కించారు. మొదట్లో ఈ సన్నివేశాలను చెయ్యడానికి అంజలి కాస్త ఇబ్బంది పడ్డారని తరువాత దర్శకుడు కణ్నన్ ఈ చిత్రంలో ఆ సన్నివేశం ఎంత కీలకమో తెలిపాక అంజలి కూడా అర్ధం చేసుకొని సన్నివేశాన్ని చేశారని చిత్ర వర్గాలు తెలిపాయి. ఈ భామ రవితేజ “బలుపు” చిత్రంలో కూడా కనపడనుంది.