వరుసగా మూడు భారీ హిట్లు అందుకున్న తర్వాత అదే హ్యాట్రిక్ జైత్ర యాత్రను కొనసాగించాలని టాలీవుడ్ సూపర్ స్టార్ మహేష్ బాబు చేపట్టిన మరో మాస్ ఎంటెర్టైనెర్ చిత్రం “సర్కారు వారి పాట” దర్శకుడు పరశురామ్ ఈ చిత్రాన్ని తెరకెక్కిస్తున్నారు. అయితే ఇలా మహేష్ ఎన్ని క్రేజీ ప్రాజెక్ట్ లను చేపట్టినా సరే మహేష్ అభిమానుల కళ్ళు మాత్రం ఎప్పుడు ఒక్క సినిమా కోసం ఎంతో కాలంగా ఎదురు చూస్తున్నారు.
అయితే అది సినిమానే అని కాకుండా ఆ కాంబో అని చెప్పొచ్చు. మహేష్ అండ్ మాస్ దర్శకుడు పూరి జగన్నాథ్ ల కాంబో అయితే టాలీవుడ్ లో నెవర్ బిఫోర్ రికార్డులకు పెట్టింది పేరు. అలాంటి ఈ కాంబో నుంచి హ్యాట్రిక్ చిత్రం కోసం మహేష్ అభిమానులు ఎప్పటి నుంచో ఎదురు చూస్తున్నారు.
అయితే ఇపుడు ఇదే కాంబోకు సంబంధించి మరోసారి గాసిప్స్ ఊపందుకున్నాయి. ఈ ఇద్దరి కాంబోను సెట్ చెయ్యాలని మన టాలీవుడ్ లో ఒక టాప్ నిర్మాత ఒకరు గట్టిగా ట్రై చేస్తున్నారట. టైం కుదిరితే ఈ కాంబో వర్కౌట్ అయ్యే అవకాశాలు కూడా ఉన్నాయట. మరి ఇందులో ఎంతవరకు నిజముందో కానీ నిజమైతే మహేష్ ఫ్యాన్స్ కు ఫీస్ట్ ఖాయం అని చెప్పాలి.
