పెద కాపు సినిమాతో టాలీవుడ్ కి పరిచయం అయ్యిన యంగ్‌ హీరో విరాట్ కర్ణ అవైటెడ్ పాన్-ఇండియా చిత్రమే “నాగబంధం”. భారీ సినిమాల నిర్మాత అభిషేక్‌ నామా దర్శకత్వం వహిస్తున్న ఈ చిత్రం గ్రాండ్ స్కేల్‌లో రూపొందుతోంది. ఇప్పటికే రిలీజైన ఫస్ట్‌ లుక్‌ మంచి బజ్‌ క్రియేట్‌ చేసింది.
అయితే ప్రస్తుతం ఈ సినిమా షూటింగ్‌ నానక్‌ రామ్‌ గూడ రామానాయుడు స్టూడియోలో జరుగుతోంది. హీరో విరాట్ కర్ణ, హీరోయిన్స్‌ నభా నటేష్‌, ఐశ్వర్య మీనన్‌పై ఓ గ్రాండ్ సాంగ్‌ని షూట్ చేస్తున్నారు. ఈ సాంగ్ కోసం ఓ భారీ సెట్‌ నిర్మించారు. మ్యూజిక్‌ డైరెక్టర్‌ అభే ఓ బ్లాక్‌ బస్టర్‌ నెంబర్‌ను కంపోజ్‌ చేశారు. కాలభైరవ, అనురాగ్‌ కులకర్ణి, మంగ్లీ తమ ఎనర్జిటిక్‌ వోకల్స్‌ ఆలపించిన ఈ సాంగ్‌కి కాసర్ల శ్యామ్‌ అద్భుతమైన లిరిక్స్‌ని రాశారు.
మరి ఈ సాంగ్ కి పుష్ప 2 కొరియోగ్రాఫర్‌ గణేశ్‌ ఆచార్య మాస్టర్‌ డ్యాన్స్‌ మూమెంట్స్‌ ఇందులో స్పెషల్‌ ఎట్రాక్షన్‌గా వుండబోతున్నాయి. మెస్మరైజింగ్‌ డ్యాన్స్‌ మూమెంట్స్‌తో ఈ సాంగ్ అలరించబోతోంది. ‘ది సీక్రెట్‌ ట్రెజర్‌’ అనే ట్యాగ్‌లైన్‌తో ‘నాగబంధం’ ఒక ఎపిక్‌ అడ్వెంచర్‌గా రూపుదిద్దుకుంటోంది. అభిషేక్‌ నామా కథ, స్క్రీన్‌ప్లే రెండింటికీ తనదైన విజన్‌ను తీసుకువస్తున్నారు. NIK స్టూడియోస్‌ ఆధ్వర్యంలో కిషోర్‌ అన్నపురెడ్డి ఈ చిత్రాన్ని నిర్మిస్తున్నారు. ఈ చిత్రాన్ని లక్ష్మీ ఐరా, దేవాన్ష్‌ నామా గర్వంగా సమర్పిస్తున్నారు.
పాన్ ఇండియన్‌ ఫిల్మ్‌ నాగబంధం ఒక పురాణ ఇతిహాసాల నుంచి తీసుకున్న కథాంశాన్ని మిళితం చేస్తూ పద్మనాభస్వామి, పూరీ జగన్నాథ దేవాలయాల వద్ద ఇటీవల కనుగొనబడిన గుప్త నిధుల నుంచి ప్రేరణ పొంది, ఆధ్యాత్మిక సాహసోపేతమైన ఇతివృత్తాలతో వుంటుంది. ఈ పవిత్ర స్థలాలను రక్షించే నాగబంధం పురాతన ఆచారాలపై దృష్టి సారించి, భారతదేశంలోని విష్ణు దేవాలయల చుట్టూ ఉన్న రహస్యాన్ని నాగబంధంలో అద్భుతంగా ప్రెజెంట్ చేస్తున్నారట. ఇక మేకర్స్ ఈ చిత్రాన్ని ఈ ఏడాదిలోనే పాన్ ఇండియా లెవెల్లో గ్రాండ్ గా రిలీజ్ కి తీసుకురాబోతున్నారు.
