లవర్ బాయ్ ఇమేజ్ తో క్లాస్ హీరోగా రాణిస్తున్న నాగశౌర్య.. తాజాగా తన కొత్త లుక్ తో అందర్నీ ఆకట్టుకుంటున్నాడు. ముఖ్యంగా నాగశౌర్య బాడీ ట్రాన్స్ఫర్మేషన్ సూపర్ గా ఉంది. మాస్ హీరో లుక్ లో పర్ఫెక్ట్ బాడీతో ఫ్యాన్స్ తో పాటు నెటిజన్లను కూడా మెస్మరైజ్ చేశాడు. మునుపెన్నడు చూడని విధంగా సిక్స్‌ ప్యాక్‌ డిఫరెంట్‌ లుక్‌తో కనిపిస్తున్నాడు. మొత్తానికి ఈ లుక్ కోసం శౌర్య జిమ్ లో కఠినమైన వర్కౌట్లు చేస్తూ.. తనని తానూ సరికొత్తగా మార్చుకుని ప్రేక్షకుల ముందుకు రాబోతున్నాడు.
ఇక ప్రస్తుతం సంతోష్ జాగర్లపూడి దర్శకత్వంలో నాగశౌర్య నటిస్తున్న సినిమా షూట్ కి రెడీగా ఉంది. ఆర్చరీ స్పోర్ట్స్ నేపథ్యంలో ఈ మూవీ తెరకెక్కుతుండగా నాగ శౌర్య విలుకాడు వలె కనిపిస్తాడట. సంతోష్ జాగర్లపూడి దర్శకత్వంలో నారాయణ్ దాస్ నారంగ్, పుస్కూర్ రామ్ మోహన్ రావు, శరత్ మరార్ నిర్మాతలు గా శ్రీ వేంకటేశ్వర సినిమాస్ ఎల్ ఎల్ పి, నార్త్ స్టార్ ఎంటర్టైన్మెంట్ ప్రైవేట్ లిమిటెడ్ బ్యానర్స్ మీద నిర్మిస్తున్నారు. కేతిక శర్మ ఈ మూవీలో నాగ శౌర్యకు జంటగా నటిస్తున్నారు. ఆ మధ్య ఈ చిత్రం ప్రీ లుక్ ను ‘ది గేమ్‌ విల్‌ నెవర్‌ బీ ది సేమ్‌’ అనే క్యాప్షన్‌తో విడుదల చేయగా ఆ పిక్ అందర్నీ బాగా ఆకట్టుకుంది.
