అఘోరాగా మారనున్న బాలయ్య.. ?

నందమూరి బాలకృష్ణ హీరోగా మాస్ డైరెక్టర్ బోయపాటి శ్రీను దర్శకత్వంలో ఓ సినిమా రాబోతున్న విషయం తెలిసిందే. కాగా ఈ సినిమా కథ ఇదేనంటూ సోషల్ మీడియాలో ఒక స్టోరీ లైన్ హల్ చల్ చేస్తోంది. సినిమాలో బాలయ్య కొన్ని సీక్వెన్స్ లో అఘోరాగా కనిపించబోతున్నాడని.. ఆలాగే ఆధ్యాత్మికతతో మొదలై బాలయ్య పాత్ర కూడా చాల వైవిధ్యంగా అలాగే ప్రేరణాత్మకంగా ఉండబోతుందని తెలుస్తోంది. అయితే బాలయ్య అసలు అఘోరాగా ఎలా మారాడు ఆయన గతం ఏమిటి అనే కోణంలో ఓ పవర్ ఫుల్ యాక్షన్ అండ్ ఎమోషనల్ ప్లాష్ బ్యాక్ కూడా వస్తోందట. అయితే సినిమాలో ఎప్పటిలాగే ఇద్దరు బాలయ్యలు కనిపించనున్నారు.

ఇక నందమూరి బాలకృష్ణ స్పీడ్ పెంచారు. జయాపజయాలతో సంబంధం లేకుండా వరుస సినిమాలతో ఫుల్ బిజీ అవుతున్నారు. అన్నట్టు బోయపాటి శ్రీను దర్శకత్వంలో రాబోతున్న సినిమా షూటింగ్ ఫిబ్రవరి 15న నుండి జరగబోతుంది. నిజానికి గత నెలలోనే మొదలవ్వాల్సిన షూటింగ్ బోయపాటి ఇంట్లో జరిగిన విషాదం కారణంగా అనుకున్న డేట్ కి షూటింగ్ ప్రారంభించలేదు.

ఈ చిత్రంలో శ్రీకాంత్ ప్రటినాయకుడి పాత్ర చేయనున్నారని సమాచారం. ఇకపోతే ఈ యేడాది వేసవికి సినిమా విడుదలకానుంది. ఈ చిత్రాన్ని మిర్యాల రవీందర్ రెడ్డి నిర్మించనుండగా తమన్ సంగీతం సమకూరుస్తున్నారు.

Exit mobile version