హీరో అక్షయ్ కుమార్ గత ఏడాది ఏకంగా నాలుగు చిత్రాలు విడుదల చేశారు. విడుదలైన అన్ని చిత్రాలు విజయం సాధించాయి. వీటిలో చివరిగా డిసెంబర్ లో గుడ్ న్యూస్ అనే రొమాంటిక్ కామెడీ అండ్ ఎమోషనల్ ఎంటర్టైనర్ విడుదల అయ్యింది. ఈ చిత్రం దాదాపు రెండు వందల కోట్లకు పైగా వసూళ్లు రాబట్టింది. ఇండియాలో విశేష ఆదరణ దక్కించుకున్న నేపథ్యంలో గుడ్ న్యూస్ మూవీ హాంగ్ కాంగ్ లో లోకల్ లాంగ్వేజ్ లో విడుదల చేస్తున్నారు. ఈనెల 13న ఈ చిత్రం ఆ దేశంలో విడుదల కానుంది. నిన్న హీరో అక్షయ్ ట్విట్టర్ వేదికగా ఈ విషయం పంచుకోవడంతో పాటు, ఆనందం వ్యక్తం చేశారు.
కృత్రిమ గర్భధారణ ప్రక్రియలో రెండు జంటల విషయంలో డాక్టర్స్ చేసిన పొరపాటు ఎలాంటి పరిణామాలకు దారితీసింది అనే విషయాన్ని, దర్శకుడు రాజ్ మెహతా కామెడీ అండ్ ఎమోషనల్ గా చెప్పారు. ఈ చిత్రంలో అక్షయ్ కుమార్ కి జోడిగా కరీనా కపూర్ నటించగా ధిల్జిత్ సింగ్ కి జోడిగా కియారా అద్వానీ నటించడం విశేషం.
