మెగా పవర్ స్టార్ రామ్ చరణ్ హీరోగా తెరకెక్కుతున్న యాక్షన్ ఎంటర్టైనర్ ‘ఎవడు’ చిత్రం ప్రస్తుతం ఫిల్మ్ నగర్ లోని క్విజ్నోస్ దగ్గర చిత్రీకరణ జరుపుకుంటోంది. ప్రస్తుతం రామ్ చరణ్ మీద కొన్ని సన్నివేశాలను చిత్రీకరిస్తున్నారు. ఈ చిత్రంలో రామ్ చరణ్ సరసన అందాల భామలు సమంత మరియు అమీ జాక్సన్ కథానాయికలుగా నటిస్తున్నారు. దిల్ రాజు ప్రతిష్టాత్మకంగా నిర్మిస్తున్న ఈ చిత్రానికి వంశీ పైడిపల్లి దర్శకత్వం వహిస్తున్నారు.
యంగ్ తరంగ్ దేవీ శ్రీ ప్రసాద్ ఈ చిత్రానికి సంగీతం అందిస్తున్నారు. కాథానుసారంగా స్టైలిష్ స్టార్ అల్లు అర్జున్ ఈ చిత్రంలో ఒక ప్రత్యేక పాత్రలో కనిపించనున్నారు. ప్రస్తుతం రామ్ చరణ్ ఈ చిత్రంతో పాటు బాలీవుడ్లో ఎంట్రీ ఇస్తున్న ‘జంజీర్’ మరియు ‘నాయక్’ చిత్రాల్లో కూడా నటిస్తూ బిజీగా ఉన్నారు.
