సాయి ధరమ్ తమ్ముడు పంజా వైష్ణవ్ తేజ్ హీరోగా పరిచయమవుతూ తెరకెక్కుతున్న చిత్రం ఉప్పెన. లవ్ అండ్ ఎమోషనల్ ఎంటర్టైనర్ గా తెరక్కుతుందని సమాచారం. కాగా ఈ చిత్రంలో తమిళ హీరో విజయ్ సేతుపతి కీలక రోల్ చేస్తున్న సంగతి తెలిసిందే. ఆయన నెగెటివ్ షేడ్స్ ఉండే మాస్ రోల్ చేస్తున్నారని సమాచారం. ఉప్పెన చిత్రంలో ఆయన చేస్తున్న పాత్రపై భారీ అంచనాలు ఉన్న నేపథ్యంలో నేడు రివీల్ చేశారు. వింటేజ్ బ్లాక్ అంబాసిడర్ కార్ పక్కనే లాల్చీ ధరించి సీరియస్ లుక్ లో వున్న విజయ్ సేతుపతి లుక్ కేకగా ఉంది. ఆయన ఈ చిత్రంలో రాయణం అనే పాత్ర చేస్తున్నారు. ఊరిలో పెద్దగా అందరినీ శాసించే వాడిగా ఆయన పాత్ర ఉండే అవకాశం కలదు.
మైత్రి మూవీ మేకర్స్, సుకుమార్ రైటింగ్స్ ఉప్పెన చిత్రాన్ని నిర్మిస్తున్నాయి. ఇక ఈ చిత్రంలో కృతి శెట్టి హీరోయిన్ గా నటిస్తుంది. దర్శకుడు బుచ్చి బాబు సానా తెరకెక్కిస్తుండగా, దేవిశ్రీ సంగీతం అందిస్తున్నారు. ఉప్పెన చిత్రం ఏప్రిల్ 2న విడుదల కానుంది.
