పాపులర్ కమెడియన్ వేణు మాధవ్ ఫిట్స్ వల్ల ప్రమాదానికి గురయ్యారు. ప్రముఖ టీవీ చానల్ ఈటీవీలో ప్రసారమయ్యే పాపులర్ షో జీన్స్ రియాలిటీ షో షూటింగ్ జరుగుతుండగా ఈ ప్రమాదం చోటు చేసుకుంది. ఈ ఘటన జరిగిన వెంటనే కొత్తపేటలోని ఒమ్ని హాస్పిటల్ లో చేర్పించారు. ఎలాంటి ప్రమాదం లేదని డాక్టర్లు చెప్పడంతో యూనిట్ సభ్యులు ఊపిరి పీల్చుకున్నారు. సంపత్ నంది డైరెక్షన్లో రామ్ చరణ్ నటిస్తున్న రచ్చ షూటింగ్ ఇబ్రహీంపట్నం లోని ఒక కాలేజీలో షూటింగ్ జరుగుతుండగా కూడా వేణుమాధవ్ ఇలాగే ఫిట్స్ వచ్చి పడిపోయారు. ఇంత టాలెంట్ ఉన్న నటుడు ఇలా ఆరోగ్య సమస్యలతో భాదపడుతుండటం ఆయన స్నేహితులని తోటి ఇండస్ట్రీ నటులను కలవరపరుస్తుంది. వేణుమాధవ్ మళ్లీ త్వరగా కోలుకవాలని ఆశిద్దాం.