ప్రస్తుతం లెజెండరీ హీరో మెగాస్టార్ చిరంజీవి హీరోగా కాజల్ ఆగర్వాల్ హీరోయిన్ గా బ్లాక్ బస్టర్ దర్శకుడు కొరటాల శివ తెరకెక్కిస్తున్న ఈ భారీ బడ్జెట్ చిత్రం “ఆచార్య”. విపరీతమైన హైప్ ను నెలకొల్పుకున్నా ఈ చిత్రం ఇపుడు శరవేగంగా షూటింగ్ ను జరుపుకుంటుంది. అయితే ఈ పవర్ ఫుల్ ప్రాజెక్ట్ లో విలన్ గా సోనూ సూద్ ఒక కీలక పాత్ర చేస్తున్న సంగతి తెలిసిందే.
కానీ ఇప్పుడు లేటెస్ట్ టాక్ ఇంకొకటి బయటకు వచ్చింది. ఈ లేటెస్ట్ సమాచారం ప్రకారం మరో టాలెంటెడ్ నటుడు పవర్ ఫుల్ విలన్ గా కనిపిస్తాడట. అతడు మరెవరో కాదు బెంగాళీ నటుడు జిష్షు సేన్ గుప్తా. మన టాలీవుడ్ లోకి “అశ్వథ్థామ” సినిమాలో క్రైమ్ విలన్ గా కనిపించి మొదటి సినిమాతోనే మంచి గుర్తింపు తెచ్చుకున్నాడు. ఆతర్వాత నితిన్ తో “భీష్మ” లో కూడా మెప్పించాడు.
మరి ఇప్పుడు ఈ నటుడు “ఆచార్య”లో పవర్ ఫుల్ విలన్ రోల్ లో కనిపించనున్నాడని తెలుస్తుంది. ఈ నటుడిలో మంచి విలనిజం ఉంది ఇక దాన్ని కొరటాల తన మార్క్ లో ఎలా చూపించారో తెలియాలి అంటే మే 13 వరకు ఆగాల్సిందే. ఇక ఇదిలా ఉండగా ఈ భారీ చిత్రానికి మణిశర్మ సంగీతం అందిస్తుండగా రామ్ చరణ్ కూడా ఒక కీలక పాత్రలో నటిస్తున్నాడు. అలాగే మ్యాట్నీ ఎంటర్టైన్మెంట్స్ వారు నిర్మాణం వహిస్తున్నారు.