కరోనా మహమ్మారి రాకతో డిజిటల్ ప్లాట్ ఫామ్స్ రూపురేఖలు మారిపోయాయి. ఇప్పుడు అందరూ వెబ్ సిరీస్ లు, వెబ్ ఫిల్మ్ ల వైపు చూస్తున్నారు. ప్రముఖ నిర్మాత అల్లు అరవింద్ తన ఓటిటీ ప్లాట్‌ఫామ్ ‘ఆహా’ కోసం చూసేలా చేస్తున్నాడు. మారుతున్న కాలానికి అనుగుణంగా ఎప్పటికప్పుడు అప్డేట్ అవుతూ సాగుతున్న అరవింద్, ప్రస్తుతం తన డిజిటల్ ఫ్లాట్ ఫామ్ తో తెలుగులో ట్రెండ్ సెట్ చేస్తున్నాడు. కాగా కొత్త సినిమాల వరకు సబ్ స్క్రిప్షన్ చేసుకుంటేనే వీక్షించే వీలున్నప్పటికీ.. పాత హిట్ సినిమాల్ని మాత్రం ఫ్రీగానే చూసే వీలు కల్పిస్తూ మిగతా ప్లాట్ ఫామ్స్ కంటే భిన్నంగా ఉండేలా చూస్తున్నాడు ఆహాని.

పైగా సబ్ స్క్రిప్షన్ చార్జీలను కూడా ఇతర ఒటీటీలతో పోల్చితే తక్కువగానే ఉంచి వీక్షకుల్ని బాగానే ఆకర్షించాడు అల్లు అరవింద్. ఇక ప్రస్తుతం ఆహా కోసం కొత్త సినిమాల్ని కొనే పనిలో భాగంగా చిన్న సినిమాల మేకర్స్ కు ఒక ప్లాట్ ఫామ్ ను క్రియేట్ చేశాడట. చిన్న సినిమా అయినా పర్వాలేదు, అందరికి నచ్చేలా సినిమా ఉంటే.. మంచి రేట్ ఇచ్చి సినిమాని తీసుకుంటున్నారట. మరి చిన్న సినిమాలకు ఇది మంచి అవకాశమే.