సూపర్ స్టార్ రజినీకాంత్ సినిమాలో టాలెంటెడ్ యాక్టర్ సత్యదేవ్ ఒక కీలక పాత్రలో నటించబోతునట్లు తెలుస్తోంది.గతంలో ఈ పాత్రలోనే హీరో గోపీచంద్ నటిస్తున్నాడని సోషల్ మీడియాలో అనేక రూమర్స్ వచ్చాయి. ఆ పాత్ర సత్యదేవ్ కు రావడం మంచి అవకాశమే. ‘విశ్వాసం’ ఫేమ్ డైరెక్టర్ శివ దర్శకత్వంలో వస్తోన్న ఈ సినిమా పై రజనీ అభిమానులు, సినీ ప్రేక్షకులు వీరి కాంబినేషన్ పట్ల చాలా ఆసక్తిగా ఉన్నారు. ఎందుకంటే హీరోలను ఎలివేట్ చేయడంలో డైరెక్టర్ శివది ప్రత్యేక శైలి.
మాస్, క్లాస్ రెండు వర్గాల చేత విజిల్ వేయించగలిగే ట్రీట్మెంట్ ఇవ్వగలడు. ‘వీరం, వివేగం, వేదాళం, విశ్వాసం’ లాంటి సినిమాలే అందుకు ఉదాహరణ. కాబట్టే రజనీని శివ ఏ స్థాయిలో చూపుతాడోనని ఫ్యాన్స్ ఎగ్జైట్ అవుతున్నారు. అన్నట్టు ఈ సినిమాలో మాజీ బ్యూటీలు ఖుష్బూ, మీనా రజిని సరసన న‌టిస్తోన్నారు. ఈ చిత్రంలో కీర్తి సురేశ్ కూడా కీలక పాత్రలో న‌టిస్తోంది. స‌న్‌పిక్చ‌ర్స్ సంస్థ ఈ చిత్రాన్ని నిర్మిస్తోంది. శివ, తమిళ స్టార్ అజిత్ తో వరుసగా సినిమాలు తీసి బ్లాక్ బస్టర్స్ హిట్స్ అందుకున్నాడు. మరి ఇప్పుడు రజినీతో కూడా బ్లాక్ బస్టర్ అందుకుంటాడో చూడాలి.