తాజాగా కేంద్ర ప్రభుత్వం అక్టోబర్ 15 నుంచి సినిమా థియేటర్లు ఓపెన్ చేసుకోవచ్చు అని చెప్పిన సంగతి తెలిసిందే. ఇలా చెప్పడంపై తెలంగాణ థియేటర్ ఓనర్స్ అసోసియేషన్ హర్షం వ్యక్తం చేసారు. అందులో భాగంగా తెలంగాణాలో థియేటర్స్ తెరుచుకునేందుకు రాష్ట్ర ప్రభుత్వం కూడా అనుమతి ఇవ్వాలని విజ్ఞప్తి చేశారు. అందుకు తగ్గట్టుగా తాము ఖచ్చితంగా పలు జాగ్రత్తలు వహిస్తామని తెలిపి కొన్ని కీలక పాయింట్లను తెలిపారు.
వాటి ప్రకారం థియేటర్స్ రన్ చెయ్యడానికి అనుమతి ఇవ్వాలని వాటిని ఈ విధంగా పేర్కొన్నారు. “ఒక సీటు తప్పించి మరో సీటు లో కూర్చోపెడుతాము”, “ఎంట్రెన్స్ ఎగ్జిట్ లో శానిటైజర్స్ పెడతాం”, “ప్రేక్షకులు మాస్క్ తప్పనిసరి ధరించాలి”. అని తెలిపారు.. థియేటర్ ఇండస్ట్రీ ఇప్పటికే చావుబ్రతుకులో ఉంది…రాష్ట్ర ప్రభుత్వం ఆదుకోవాలని.
ప్రతీ థియేటర్ కి రాష్ట్ర ప్రభుత్వం ఇంసెంటివ్స్ ఇవ్వాలని, లాక్ డౌన్ సమయంలో థియేటర్ ల విద్యుత్ బిల్ మినహహించాలని రాష్ట్ర ప్రభుత్వం వారిని కోరారు. దేశంలో ఎక్కడలేని విధంగా తెలంగాణ ప్రభుత్వం థియేటర్లలో పార్కింగ్ చార్జెస్ ను నిషేధించింది…తక్షణమే ఎత్తివేయాలని మరో విజ్ఞప్తి చేస్తూ ఈరోజు హైదరాబాద్ ఆర్టీసీ క్రాస్ రాడ్స్ లోని సుదర్శన్ 35MM లో తెలంగాణ థియేటర్స్ అసోసియేషన్ భేటిలో చర్చించారు.
