ఎప్పటి నుంచో యూత్ మరియు తెలుగు సినిమా ఆడియెన్స్ కూడా ఎదురు చూస్తున్న సినిమా “ఉప్పెన”. గత ఏడాది ఏప్రిల్ లో విడుదల కావాల్సిన ఈ చిత్రం ఎట్టకేలకు ఈరోజు థియేటర్స్ లో పడింది. పంజా వైష్ణవ్ తేజ్ హీరోగా కృతి శెట్టి హీరోయిన్ గా బుచ్చిబాబు సన దర్శకత్వంలో వచ్చిన ఈ డెబ్యూ చిత్రం మొదటి షో నుంచే మంచి టాక్ ను అంచనాలకు తగ్గట్టుగానే తెచ్చుకుంది.
అయితే విడుదలకు ముందే భారీ హైప్ తెచ్చుకున్న ఈ చిత్రం విడుదల అయ్యాక కూడా ఆ స్థాయి అంచనాలు అందుకునే సరికి ఈ సినిమా వసూళ్లు కోసం ఇప్పుడు ట్రేడ్ వర్గాలు మరియు జెనరల్ మూవీ ఫాలోవర్స్ లో టాక్ మొదలయ్యింది. ఓ డెబ్యూ చిత్రంగా పలు టార్గెట్స్ తో దిగిన ఈ చిత్రం డే 1 నుంచే కాకుండా ఓవరాల్ గా కూడా సాలిడ్ ఫిగర్స్ నే నమోదు చేసే అవకాశం ఉందని అంటున్నారు. దేవిశ్రీ ప్రసాద్ సంగీతం, సుక్కు రైటింగ్స్ అలాగే మైత్రి మూవీ మేకర్స్ పెట్టిన ఎఫర్ట్స్ ఎంత వరకు మ్యాజిక్ చేస్తాయో చూడాలి.