టాలీవుడ్ రౌడీ హీరో ది విజయ్ దేవరకొండ హీరోగా భాగ్యశ్రీ బోర్సే హీరోయిన్ గా దర్శకుడు గౌతమ్ తిన్ననూరి తెరకెక్కించిన అవైటెడ్ చిత్రమే “కింగ్డమ్”. అనౌన్స్ చేసిన నాటి నుంచి ఇప్పుడు వరకు మంచి హైప్ ని సెట్ చేసుకున్న ఈ సినిమా నుంచి ఇప్పుడు మరో కొత్త పాట బయటకి వచ్చింది. మ్యూజిక్ సెన్సేషన్ అనిరుద్ స్వరపరిచిన ఈ ‘రగిలే రగిలే’ సాంగ్ మంచి పవర్ఫుల్ గా గూస్ బంప్స్ ఇచ్చే లెవెల్లో ఉందని చెప్పాలి.
రీసెంట్ గానే వైబ్ ఉంది సాంగ్ తో ఇంప్రెస్ చేసిన సాహిత్య రచయిత కృష్ణకాంత్ రచించిన ఈ పవర్ఫుల్ పాట పదునైన పదాలతో ఆకట్టుకుంటుంది. ఇక దీనితో పాటుగా అనిరుద్ మార్క్ క్రేజీ బీట్స్ మరింత హైప్ ఎక్కించేలా ఉన్నాయి. మొత్తానికి మాత్రం ఈ సరికొత్త సాంగ్ థియేటర్స్ లో బ్లాస్టింగ్ ట్రీట్ ఇస్తుంది అని చెప్పవచ్చు. ఇక ఈ చిత్రాన్ని నాగవంశీ, సాయి సౌజన్యలు నిర్మాణం వహించగా ఈ జూలై 31న గ్రాండ్ గా రిలీజ్ కి రాబోతుంది.