ఎప్పటికప్పుడు కొత్తరకమైన కథలను ఎంచుకోవడమే విక్టరీ వెంకటేష్ సక్సెస్ మంత్ర అని చెప్పుకోవచ్చు. మెహర్ రమేష్ దర్శకత్వంలో తెరకెక్కుతున్న ‘షాడో’ చిత్రంలో చాలా కాలం తర్వాత వెంకటేష్ పూర్తి యాక్షన్ కి ప్రాదాన్యమున్న పాత్రను చేస్తున్నారు. తాప్సీ కథానాయికగా నటిస్తున్న ఈ చిత్రంలో శ్రీకాంత్ మరియు మధురిమ ప్రత్యేక పాత్రల్లో కనిపించనున్నారు. గత కొన్ని రోజులుగా మలేషియాలో జరిగుతున్న షెడ్యూల్ పూర్తి చేసుకొని ఈ చిత్ర టీం ఇండియాకి తిరిగి వచ్చారు. ఈ లాంగ్ షెడ్యూల్ లో ఈ చిత్రానికి సంభందించిన యాక్షన్ సన్నివేశాలు చిత్రీకరించారు. ఈ చిత్రం తదుపరి షెడ్యూల్ ఆగష్టు 19 నుండి ముంబైలో జరగనుంది. కోనా వెంకట్ మరియు గోపి మోహన్ కథ అందించిన ఈ చిత్రాన్ని పరుచూరి కిరీటి నిర్మిస్తున్నారు. ఈ చిత్రానికి ఎస్.ఎస్ తమన్ సంగీతం అందిస్తున్నారు. ఈ చిత్రాన్ని 2013 సంక్రాంతికి విడుదల చేయడానికి సన్నాహాలు చేస్తున్నారు.
