టాలీవుడ్ యాక్టర్ ప్రియదర్శి ప్రస్తుతం లీడ్ రోల్‌లో వరుసగా సినిమాలు చేస్తున్నాడు. ఇప్పటికే నాని ప్రొడ్యూస్ చేస్తున్న ‘కోర్ట్’ మూవీలో నటిస్తున్న ప్రియదర్శి, దర్శకుడు ఇంద్రగంటి మోహన్ కృష్ణ తెరకెక్కిస్తున్న ‘సారంగపాణి జాతకం’ అనే సినిమాలో కూడా నటిస్తున్నాడు. ఈ సినిమాను గతంలోనే రిలీజ్ చేస్తామని చిత్ర యూనిట్ ప్రకటించింది. కానీ, కొన్ని కారణాల వల్ల ఈ చిత్ర రిలీజ్ డేట్‌ను వాయిదా వేశారు.
పూర్తి కామెడీ ఎంటర్‌టైనర్‌గా తెరకెక్కిన ఈ సినిమాను ఎప్పుడు రిలీజ్ చేస్తారనే విషయంపై మేకర్స్ నుంచి చాలా రోజుల వరకు ఎలాంటి అప్డేట్ రాలేదు. దీంతో ఈ సినిమా ఇప్పట్లో రిలీజ్ అవుతుందా లేదా అనే సందేహం నెలకొంది. అయితే, తాజాగా ఈ చిత్ర రిలీజ్ డేట్ విషయంలో మేకర్స్ ఓ క్లారిటీ ఇచ్చారు.
సారంగపాణి జాతకం చిత్రాన్ని సమ్మర్ సీజన్‌లో రిలీజ్ చేస్తామని వారు ప్రకటించారు. దీంతో ఈ సినిమా వేసవి కానుకగా ప్రేక్షకులను అలరించేందుకు సిద్ధమవుతుంది. ఇక ఈ సినిమాలో రూప కొడువయుర్ హీరోయిన్‌గా నటిస్తోండగా నరేష్, తనికెళ్ల భరణి, అవసరాల శ్రీనివాస్, వెన్నెల కిషోర్ తదితరులు ఇతర ముఖ్య పాత్రల్లో నటించారు.
