ఆకాష్ పూరి హీరోగా నటిస్తోన్న లేటెస్ట్ సినిమా ‘రొమాంటిక్’. యంగ్ డైరెక్టర్ అనిల్ పాదూరి డైరెక్షన్ లో రాబోతున్న ఈ చిత్రం ఆల్ మోస్ట్ షూటింగ్ ను పూర్తి చేసుకుంది. ఇక త్వరలోనే చిత్రబృందం బ్యాలెన్స్ షూట్ ను హైదరాబాద్‌ లో అన్నపూర్ణ స్టూడియోలో తిరిగి ప్రారంభించనుంది. ఈ షెడ్యూల్‌ లో క్లైమాక్స్ స‌న్నివేశాలతో పాటు కొన్ని సీన్స్ కు సంబంధించిన ఫ్యాచ్ వర్క్ షాట్స్ ను కూడా చిత్రీకరించనున్నారు.
అలాగే హీరోహీరోయిన్ల మధ్య నడిచే క్లైమాక్స్ కోసం ప్రత్యేకంగా సెట్ వేయబోతున్నట్లు తెలుస్తోంది. ఇక ఈ సినిమాలో సీనియర్ హీరోయిన్ రమ్యకృష్ణ కూడా ఓ కీలక పాత్రలో నటిస్తోన్న సంగతి తెలిసిందే. కాగా ఈ సినిమాలో ఆకాశ్ పూరి సరసన కేతికా శ‌ర్మ హీరోయిన్ గా నటిస్తోంది. ఈ సినిమా మాఫియా నేపథ్యంలో ఓ ప్రేమ కథగా తెరకెక్కనుందట.
మరి ఈ సినిమాతోనైనా ఆకాష్ పూరికి హిట్ వస్తోందేమో చూడాలి. పూరి జగన్నాథ్ టూరింగ్ టాకీస్‌, పూరి కనెక్ట్స్ ప‌తాకాల పై పూరి జగన్నాథ్, ఛార్మి ఈ సినిమాను సంయుక్తంగా నిర్మిస్తున్నారు.