కరోనా ప్రభావం ఇంకా ఉన్నప్పటికీ సినిమాల షూటింగ్స్ ను ప్లాన్ చేసుకుంటున్నారు మేకర్స్. ఇప్పటికే చాలామంది హీరోలు అక్టోబట్ కల్లా షూట్ కి రెడీ అంటూ డేట్స్ ఇచ్చేశారు. ఇప్పుడు ఈ లిస్ట్ లోకి మంచు మనోజ్ కూడా చేరాడు. ‘అహం బ్రహ్మాస్మి’తో మంచు మనోజ్ మళ్ళీ సినిమాల్లో యాక్టివ్ కాయబోతున్న సంగతి తెలిసిందే.

కాగా, ఈ సినిమా రెగ్యూలర్ షూటింగ్ అక్టోబర్ 5 నుండి నుండి సిటీకి దూరంగా ఉన్న ఓ ఫామ్ హౌస్ లో మొదలుకానుందని తెలుస్తోంది. ముందుగా ఫైట్ మాస్టర్ పీటర్ హేన్స్ కంపోజింగ్ లో భారీ ఫైట్ సీక్వెన్సెస్ సినిమాని స్టార్ట్ చేయనున్నారు. ఎప్పుడూ కొత్తదనం కోసం వైవిధ్యమైన కథలతో సినిమాలు చేస్తాడు మనోజ్. ఈ సారి కూడా ఓ డిఫరెంట్ కాన్సెప్ట్ తో.. ‘అహం బ్రహ్మాస్మి’ అనే గొప్ప స్లోగన్ ఆధారంగా నడిచే కథతో పవర్ ఫుల్ రీఎంట్రీ ఇస్తున్నాడు.

ఇక ఇండస్ట్రీలో కొత్త టాలెంట్‌ ను ఎంకరేజ్‌ చేయాలని ‘ఎమ్ఎమ్‌ ఆర్ట్స్‌’ పేరుతో మంచు మనోజ్ సొంత నిర్మాణ సంస్థను కూడా ప్రారంభించారు. దర్శకుడు శ్రీకాంత్ రెడ్డి ఈ చిత్రాన్ని తెరకెక్కిస్తుండగా ఎమ్ ఎమ్ ఆర్ట్స్ పతాకం పై మంచు ఫ్యామిలీ స్వయంగా ఈ సినిమాని నిర్మిస్తున్నారు.