పాన్ ఇండియా స్టార్ ప్రభాస్ హీరోగా నటిస్తున్న లేటెస్ట్ సినిమాల్లో “ది రాజా సాబ్” నుంచి ఫ్యాన్స్ కి మ్యూజికల్ ట్రీట్ సిద్ధమవుతున్నట్టుగా లేటెస్ట్ రూమర్స్ వినిపిస్తున్నాయి. ఈ సినిమా కొంచెం ఆలస్యం అయినా కూడా ఫ్యాన్స్ కి మాత్రం దర్శకుడు మారుతీ అలాగే సంగీత దర్శకుడు థమన్ లు సాలిడ్ ట్రీట్ ని ప్రామిస్ చేశారు.
సినిమా ఇంట్రో గ్లింప్స్ నుంచి మొన్న టీజర్ వరకు థమన్ ఇచ్చిన బీట్స్ ప్రత్యేకంగా నిలిచాయి. ఇలా ఎట్టకేలకి ది రాజా సాబ్ ఫస్ట్ సింగిల్ కి రంగం సిద్ధం చేస్తున్నారట. ప్రస్తుత ఊహాగానాలు ప్రకారం ఈ ఆగస్ట్ మొదటి వారంలో అలా మొదటి పాటని విడుదల చేసే యోచనలో మేకర్స్ ఉన్నట్టుగా వినిపిస్తుంది.
అలాగే ఈ ఫస్ట్ సింగిల్ కూడా ప్రభాస్ పై డిజైన్ చేసిన సోలో సాంగ్ అన్నట్టుగా టాక్. మరి దీనిపై మరింత క్లారిటీ రావాల్సి ఉంది. ఇక ఈ చిత్రాన్ని పీపుల్ మీడియా ఫ్యాక్టరీ వారు నిర్మాణం వహిస్తుండగా ఈ డిసెంబర్ 5న గ్రాండ్ గా పాన్ ఇండియా లెవెల్లో విడుదల కాబోతుంది.
