ఇండియన్ ఐడల్ 5 లో విన్నర్ గా నిలిచిన శ్రీరామచంద్రకి టాలీవుడ్ లో సింగర్ గా మంచి పేరుంది. సింగర్ శ్రీరామచంద్ర ఇప్పుడు హీరో అవతారం ఎత్తి ‘ప్రేమా గీమా జాంతానై’ సినిమాతో హీరోగా పరిచయం కానున్నాడు. నిన్న ఈ సినిమా ఫస్ట్ లుక్ టీజర్ ని రిలీజ్ చేసారు. ఈ కార్యక్రమానికి వరుణ్ సందేశ్ అతిధిగా వచ్చాడు. ఇప్పటికే శ్రీరామచంద్ర నటుడిగా ‘జగద్గురు ఆదిశంకర’ సినిమాలో కనిపించాడు. ఈ సినిమా ద్వారా ప్రియాంక చోప్రా బంధువైన ‘బార్బీ హంద’ హీరోయిన్ గా పరిచయం కానున్న ఈ మూవీలో ఎస్.వి రంగారావు మనవడు ఎస్.వి.ఆర్ విలన్ పాత్రలో కనిపించనున్నాడు.
సుబ్బు డైరెక్ట్ చేస్తున్న ఈ సినిమాని మద్దల భాస్కర్ – దాడి బాల శంకర్ సంయుక్తంగా నిర్మిస్తున్నారు. మణిశర్మ సంగీతం అందిస్తున్న ఈ సినిమా ఆడియోని సెప్టెంబర్ సెకండ్ వీక్ లో రిలీజ్ చేసి, సినిమాని దసరా కానుకగా అక్టోబర్ లో రిలీజ్ చేస్తామని ఈ చిత్ర నిర్మాతలు తెలిపారు.