డైరెక్టర్ అనిల్ రావిపూడికి తెర పైన కామెడీను తీసుకురావడంలో ప్రత్యేకమైన గుర్తింపు ఉంది. తనదైన మార్క్ టైమింగ్ తో, తన మార్క్ డైలాగ్ లతో, వరుస విజయాలను అందుకుంటున్నాడు. కాగా ఎనర్జిటిక్ స్టార్ రామ్ సినిమా చేయమని, రావిపూడితో సంప్రదింపులు జరిపినట్లు ఆ మధ్య వార్తలు వచ్చాయి. అనిల్ రైటర్ గా ఉన్నప్పటి నుండి రామ్ తో మంచి అనుబంధం ఉంది. కాగా తాజాగా సినీ వర్గాల సమాచారం రామ్ – అనిల్ రావిపూడి కలయికలో సినిమా వస్తోందట. కాకపోతే ఎపుడు అనేది ఇంకా క్లారిటీ లేదు.
అయితే వచ్చే ఏడాది వీరి కలయికలో సినిమా ఉంటుందని సమాచారం. ఇక ఈ సినిమా కూడా అనిల్ సినిమాల శైలిలోనే ఫుల్ ఎంటర్ టైనర్ గా ఉంటుందట. మొత్తానికి కమర్షియల్ ఫార్ములాను ఫాలో అయ్యే దర్శకుల్లో ఫన్ మీద ఎక్కువగా దృష్టిపెట్టే డైరెక్టర్ అనిల్ కావడంతో ఆయనకు డిమాండ్ బాగా పెరిగింది. చిన్న హీరోల దగ్గర్నుండి స్టార్ హీరోల వరకు అందరూ ఆయనతో వర్క్ చేయడానికి సిద్దంగా ఉన్నారు. కాగా ఈ యంగ్ టాలెంటెడ్ డైరెక్టర్ ప్రస్తుతం వెంకటేష్, వరుణ్ తేజ్ తో కలిసి ‘ఎఫ్ 3’ సినిమా చేస్తున్నాడు.