రీసెంట్ గా హాలీవుడ్ సినిమా నుంచి రిలీజ్ కి వచ్చి మొదటి రోజు నుంచే సాలిడ్ పాజిటివ్ టాక్ ని సొంతం చేసుకున్న సినిమా ఏదన్నా ఉంది అంటే అది హాలీవుడ్ స్టార్ నటుడు బ్రాడ్ పిట్ నటించిన ఎఫ్ 1 అనే చెప్పాలి. తాను మంచి హిట్ కొట్టాలని చూస్తున్న ఫ్యాన్స్ కి ఎఫ్ 1 తో బ్రాడ్ పిట్ సమాధానం అందించారు.
అయితే ఈ చిత్రానికి అనూహ్యంగా మన దేశంలో కూడా సాలిడ్ రెస్పాన్స్ వస్తుంది. తెలుగు, హిందీ, తమిళ్ సహా ఇంగ్లీష్ భాషల్లో రిలీజ్ అయ్యిన ఈ సినిమాకి మంచి వసూళ్లు నమోదు అయ్యినట్టు పి ఆర్ లెక్కలు చెబుతున్నాయి. గత జూన్ 27న రిలీజ్ అయ్యిన ఈ సినిమా ఈ 9 రోజుల్లో 43 కోట్లకి పైగా గ్రాస్ ని అందుకున్నట్టుగా తెలుస్తుంది.
నోటెడ్ బ్రాండ్స్ మార్వెల్, డీసీ లాంటి సినిమాలు అందుకునే క్రేజ్ లాంటిది లేకుండానే మంచి టాక్ తోనే ఈ సినిమా రాణించడం విశేషం. ఇక ఈ చిత్రంలో బ్రాడ్ పిట్ తో యంగ్ నటుడు డామ్సన్ ఐడ్రిస్ కూడా నటించగా జోసెఫ్ కోసిన్స్కి దర్శకత్వం వహించారు.
