యునైటెడ్ స్టేట్స్ అమెరికా టంపాలో జరిగిన NATS (నార్త్ అమెరికా తెలుగు సొసైటీ) 2025 వేడుకలో ఐకాన్ స్టార్ అల్లు అర్జున్ సందడి చేశారు. ఆయన రాకతో ఈసారి హిస్టారికల్ గా మారిపోయింది. అల్లు అర్జున్ రాకతో ఖండాలు, భాషలు, సంస్కృతులలో, సరి హద్దుల్ని దాటుతూ ఈ కార్యక్రమం ప్రపంచ వ్యాప్తమైపోయింది. ప్రపంచవ్యాప్తంగా ఉన్న లక్షలాది మంది తెలుగు ప్రజలకు అల్లు అర్జున్ కేవలం ఒక స్టార్ కాదు.. ప్రతీ కుటుంబంలోని ఓ వ్యక్తి.. తెలుగు వారి గుర్తింపు.. తెలుగు వారి గర్వంగా నిలిచాడు.
ప్రపంచవ్యాప్తంగా అత్యంత గుర్తింపు పొందిన, ప్రేమించబడే, అనుసరించే తెలుగు నటుడు అల్లు అర్జున్ అని చెప్పడంలో అతిశయోక్తి లేదు. ఆయనకు విశ్వవ్యాప్తంగా ఉన్న క్రేజ్ గురించి ప్రత్యేకంగా చెప్పాల్సిన పని లేదు. ఆయన విజయానికి చిహ్నంగా, తెలుగు గుర్తింపునకు ఒక వెలుగుగా, ప్రపంచవ్యాప్తంగా తెలుగు గర్వానికి నిజమైన చిరునామాగా మారారు.
విదేశాల్లో నివసించే తెలుగు కుటుంబాలకు NATSలో అల్లు అర్జున్‌ను చూడటం అంటే ఒక నటుడిని కలవడం కాదు. వారి మూలాలు, వారి భాష, వారి సంస్కృతితో తిరిగి కనెక్ట్ అవ్వడంతో సమానం. జీవితం వారిని ఎక్కడికి తీసుకెళ్లినా తమ హృదయాలలో తెలుగు స్ఫూర్తిని కలిగి ఉంటారని గుర్తుచేసిన క్షణం ఇదిగా మారింది.
