ఫిలిం నగర్ వర్గాల తాజా సమాచారం ప్రకారం బాలకృష్ణ నటిస్తున్న ‘అధినాయకుడు’ చిత్రం ఫిబ్రవరికి వాయిదా పడింది. ఈ చిత్రం సంక్రాంతికి విడుదల కావాల్సి ఉండగా ఫిబ్రవరికి వాయిదా పడినట్లు విశ్వనీయవర్గాల సమాచారం. నిర్మాతలు మాత్రం ఇంకా అధికారికంగా ప్రకటించలేదు. అధినాయకుడు చిత్రంలో బాలకృష్ణ సరసన లక్ష్మి రాయ్ మరియు సలోని నటిస్తున్నారు.
ఈ చిత్రం పొలిటికల్ బ్యాక్ డ్రాప్ లో యాక్షన్ ఎంటర్టైనర్ గా తెరకెక్కుతుంది. బాలకృష్ణ మూడు విభిన్నమైన పాత్రల్లో నటిస్తున్నట్లు సమాచారం. అధినాయకుడు చిత్రాన్ని పరుచూరి మురళి డైరెక్ట్ చేస్తుండగా ఎమ్.ఎల్ కుమార్ చౌదరి నిర్మిస్తున్నారు. కళ్యాణి మాలిక్ సంగీతం అందిస్తున్నారు.