ఫాంలో ఉన్నప్పుడే అన్ని సమకూర్చుకోవాలి ఇది అన్ని పరిశ్రమలో జరిగేదే కాని సినిమా ఇండస్ట్రీ లో కథానాయికలకు మాత్రం ప్రత్యేకంగా వర్తిస్తుంది. లైం లైట్ లో ఉన్నప్పుడే వచ్చిన అవకాశాలను సద్వినియోగం చేసుకోవాలి. నయనతార ఈ విషయాన్నీ బాగా అర్ధం చేసుకున్నట్టు తెలుస్తుంది. ప్రస్తుతం ఈ నటి “కృష్ణం వందే జగద్గురుమ్” చిత్ర విడుదల కోసం వేచి చూస్తుంది ఇది కాకుండా నాగార్జున సరసన “లవ్ స్టొరీ” మరియు అజిత్ సరసన ఒక చిత్రంలో నటిస్తుంది. తాజా సమాచారం ప్రకారం ఈ భామ తమిళంలో మరో చిత్రం ఒప్పుకున్నట్టు తెలుస్తుంది. తమిళ నటుడు ఉదయనిధి స్టాలిన్ సరసన ఒక చిత్రం చేయ్యనుంది. గతంలో “సుందర పాండియన్” చిత్రానికి దర్శకత్వం వహించిన ప్రభాకరన్ ఈ చిత్రానికి దర్శకత్వం వహిస్తున్నారు. ఉదయనిది స్టాలిన్ “ఒరు కల్ ఒరు కన్నాడి”చిత్రంతో తెరకు పరిచయం అయ్యారు ఆ చిత్రంలోనే నయనతార నటించాల్సి ఉండగా హన్సిక చేసింది. కోలివుడ్ సమాచారం ప్రకారం ఈ చిత్రం కోసం నయనతార ఆకర్షణీయమయిన పారితోషకం అందుకున్నట్టు తెలుస్తుంది