గత నెల రోజుల నుండి చాలా మంది సినీ అభిమానులు, సాధారణ ప్రేక్షకులు కూడా సోషియో ఫాంటసీ సినిమా ఢమరుకం కోసం ఎదురు చూస్తున్నారు. నిర్మాత పలు ఆర్ధిక సమస్యల వల్ల ఇప్పటికి నాలుగు సార్లు విడుదల తేదీ ప్రకటించి వాయిదా పడిన ఢమరుకం ఎట్టకేలకు రేపు నవంబర్ 23న విడుదల కాబోతుంది. నాగార్జున స్వయంగా రంగంలోకి దిగి పలువురు ఫైనాన్షియర్లతో చర్చలు జరిపి సమస్యకి పరిష్కారం జరిగేలా చేసారు. నాగార్జున తన పారితోషకం వదులుకొని పలువురు ఇండస్ట్రీ పెద్దలతో మాట్లాడినట్లు నిన్న జరిగిన ప్రెస్ మీట్లో చెప్పారు. అయితే ఇంకో ఆసక్తికరమైన విషయం ఏంటంటే నటుడు ప్రకాష్ రాజ్ కూడా ఢమరుకం విడుదల విషయంలో సహాయం చేసారు. సినిమా ఇలా ఆర్ధిక సమస్యల్లో ఉందని తెలియగానే తన పారితోషికం కూడా వదులుకున్నాడు. 50 లక్షల తన పారితోషికాన్ని వెనక్కి తిరిగి ఇచ్చి సినిమా విడుదలకి సహాయం చేసాడని సమాచారం.