యువ సామ్రాట్ అక్కినేని నాగ చైతన్య నటించిన పొలిటికల్ యాక్షన్ డ్రామా చిత్రం బెజావాడ సెన్సార్ కార్యక్రమాలు పూర్తి చేసుకుంది. సెన్సార్ బోర్డు ఈ చిత్రానికి గాను “A” సర్టిఫికేట్
జారీ చేసింది. ఈ చిత్రంలో వాయిలెన్స్ ఎక్కువ ఉండటం వాళ్ళ ‘A’ సర్టిఫికేట్ ఇచ్చినట్లు తెలుస్తోంది. రాంగోపాల్ వర్మ మరియు కిరణ్ కోనేరు కలిసి ఈ చిత్రాన్ని నిర్మించారు. నాగ చైతన్య సరసన అమలా పాల్ నటించగా వివేక్ కృష్ణ దర్శకత్వం వహించారు. బెజవాడ డిసెంబరు 1 న విడుదల కానుంది. విజయవాడ పట్టణంలో 90లలో జరిగిన కుల రాజకీయాల నేపధ్యంగా తెరకెక్కింది. షూటింగ్ ప్రారంభమైన మొదటి రోజు నుండి వివాదాలకు కేంద్ర బిందువుగా మారింది. భారీ అంచనాలతో విడుదలకు సిద్ధమైంది.