హీరో కిరణ్ అబ్బవరం నటిస్తున్న లేటెస్ట్ చిత్రం ‘కె-ర్యాంప్’ ఇప్పటికే ప్రేక్షకుల్లో మంచి బజ్ క్రియేట్ చేసింది. ఈ సినిమాను దర్శకుడు జెయిన్స్ నాని డైరెక్ట్ చేస్తుండగా పూర్తి కామెడీ ఎంటర్‌టైనర్‌గా ఈ మూవీ రూపొందింది. ఈ మూవీ ట్రైలర్ ఇటీవల రిలీజ్ కాగా దానికి ట్రెమండస్ రెస్పాన్స్ దక్కింది.
ఇక ఈ సినిమా తాజాగా సెన్సార్ పనులు కూడా ముగించుకుంది. ఈ సినిమాకు సెన్సార్ బోర్డు ‘A’ సర్టిఫికెట్ జారీ చేసింది. అయితే, ఈ సినిమా ఫ్యామిలీ ఆడియెన్స్‌కు బాగా నచ్చుతుందని చిత్ర యూనిట్ పదేపదే చెబుతుండటంతో ఈ సినిమా ఎలా ఉండబోతుందా అనే ఆసక్తి నెలకొంది. ఈ సినిమా రన్‌టైమ్‌ను 2 గంటల 20 నిమిషాలకు ఫిక్స్ చేశారు.
ఈ సినిమాలో యుక్తి తరేజా హీరోయిన్‌గా నటిస్తుండగా సాయి కుమార్, నరేష్, కామ్న జెఠ్మలానీ, మురళీధర్ గౌడ్ తదితరులు నటిస్తున్నారు. రాజేష్ దండ, శివ బొమ్మక్ ఈ చిత్రాన్ని ప్రొడ్యూస్ చేస్తున్నారు.
