సీనియర్ హీరోయిన్ మీనా లాక్ డౌన్ కి ముందు ఓ వెబ్ సిరీస్ లో నటిస్తోంది. “కరోలిన్ కామాక్షి” పేరుతో తెరకెక్కనున్న ఈ వెబ్ సిరీస్ ని ట్రెండ్ లౌడ్ ప్రొడక్షన్స్ నిర్మిస్తుండగా, దర్శకుడు వివేక్ కుమారన్ తెరకెక్కిస్తున్నారు. కాగా తాజాగా మీనా మరో వెబ్ సిరీస్ లో నటించడానికి కూడా గ్రీన్ సిగ్నల్ ఇచ్చినట్లు తెలుస్తోంది. ఓ తమిళ నూతన దర్శకుడు ఈ వెబ్ సిరీస్ ను డైరెక్ట్ చేస్తాడట. ఇక ఈ వెబ్ సిరీస్ లో మరో సీనియర్ నటి రోహిణి కూడా నటించనుంది. పైగా ఆమె కథ కూడా ఇచ్చిందట. కాగా ప్రస్తుతం మీనా చేస్తోన్న “కరోలిన్ కామాక్షి” వెబ్ సిరీస్ షూటింగ్ ఇప్పటికే పూర్తి అయింది.
ఇక ఈ వెబ్ సిరీస్ లో మీనా పాత్ర చాల కామిక్ గా ఉండనుందని తెలుస్తోంది. మరి మీనా కామెడీ చేయగలదా.. గతంలో మీనా నటించిన చాలా సినిమాలు చూస్తే.. మీనా అమాయకమైన రొమాంటిక్ కామెడీని బాగా చేస్తోంది. ఆయితే సీరియస్ కామెడీని ఎలా చేస్తోందో చూడాలి. అన్నట్టు మీనా తమిళంలో ఒక సినిమాతో పాటు ఒక సీరియల్ లో కూడా నటిస్తోంది. అలాగే తెలుగులో కూడా వెంకటేష్ సినిమాలో ఒక క్యారెక్టర్ లో నటిస్తున్నట్లు తెలుస్తోంది. ఏమైనా 90లలో తెలుగు, తమిళ భాషలలో టాప్ స్టార్ గా కొనసాగిన మీనా మొదటిసారి ఇలా వెబ్ సిరీస్ లు చేయడం, ఈ సిరీస్ ల పై ప్రేక్షకుల్లో కాస్త ఆసక్తి ఉంది.
