రన్‌బీర్ కపూర్, రష్మిక మందన్న, బాబీ డియోల్, త్రుప్తి డిమ్రి నటించిన సందీప్ వంగా దర్శకత్వం వహించిన ‘యానిమల్’ బాక్సాఫీస్‌ వద్ద భారీ విజయాన్ని సాధించింది.

ఇటీవల మీడియాతో మాట్లాడిన ఇమ్రాన్ హష్మీ.. యానిమల్ చిత్రంపై తన అభిప్రాయాన్ని వెల్లడించారు. ఆయన అన్నారు – “యానిమల్ విషయంలో ప్రేక్షకులలో విభిన్న అభిప్రాయాలు ఉండొచ్చు – కొందరికి చాలా నచ్చింది, కొందరికి నచ్చలేదు. కానీ నాకు ఆ సినిమా చాలా నచ్చింది.

దర్శకుడు తన హృదయపూర్వక నమ్మకంతో, ఎలాంటి రాజీ లేకుండా తాను అనుకున్న విధంగా ఆ సినిమాను తీశాడు. అదే ఆ చిత్రానికి ప్రత్యేకత,” అని ఇమ్రాన్ హష్మీ పేర్కొన్నారు.