పవర్ స్టార్ పవన్ కళ్యాణ్ ‘పింక్’ రీమేక్ ‘వకీల్ సాబ్’తో మళ్ళీ సినిమాల్లోకి రీఎంట్రీ ఇస్తోన్న సంగతి తెలిసిందే. ఎప్పుడో విడుదల అవాల్సిన సినిమా ఇది, కానీ కరోనా దెబ్బకు ఈ ఏడాది అంతా పోస్ట్ ఫోన్ అవ్వాల్సిన పరిస్థితి. అయితే తాజాగా ఫిల్మ్ సర్కిల్స్‌ లో వినిపిస్తోన్న న్యూస్ ప్రకారం ఈ సినిమా బ్యాలెన్స్ షూట్ ను నవంబర్ నుండి ప్లాన్ చేయాలనుకున్నా.. పవన్ మాత్రం వచ్చే ఏడాది షూటింగ్ పెట్టుకుందాం అన్నట్లు తెలుస్తోంది. మరి వచ్చే ఏడాది షూటింగ్ అంటే. సంక్రాంతి సీజన్ మిస్ అయిన్నట్టే.. మరప్పుడు ఇక రిలీజ్ ఎప్పుడో అవుతుందో ఇప్పుడే చెప్పలేని పరిస్థితి.
కాగా ఈ సినిమా రిలీజ్ అయితే ఎప్పుడెప్పుడూ సినిమా చూద్దామా అని ఆశగా ఎదురుచూస్తున్న ఫ్యాన్స్ ఈ వార్తతో బాగా నిరుత్సాహపడతారు. ఇక ఈ సినిమాలో ముగ్గురు అమ్మాయిల్లో ఒక అమ్మాయిగా నివేదా థామస్ కీలక పాత్రలో నటిస్తోంది. ఆమె రోల్ చాలా ఎమోషనల్ గా సాగుతుందని.. ఆ పాత్రలో ఆమె అద్భుతంగా నటిస్తోందని సమాచారం. ఇక ఈ చిత్రంలో పవన్ కళ్యాణ్ ఫుల్ గడ్డంతో వెరీ స్టైలీష్ లుక్ లో కనిపించనున్నాడు. రాజు, శిరీష్ సంయుక్తంగా నిర్మిస్తున్న ఈ చిత్రాన్ని బోని కపూర్ సమర్పిస్తున్నారు.