వరుస పరాజయాలతో ఉన్న డైరెక్టర్ విజయభాస్కర్ 2011లో తీసిన ‘ప్రేమ కావాలి’ సినిమాతో హిట్ అందుకొని ఫాంలోకి వచ్చాడు. హిట్ అందుకొని రెండు సంవత్సరాలు పూర్తి కావస్తున్నా తదుపరి సినిమా మాత్రం మొదలుపెట్టలేదు. తాజాగా వినిపిస్తున్న వార్తల ప్రకారం విక్టరీ వెంకటేష్ – రామ్ హీరోలుగా తెరకెక్కనున్న ‘బోల్ బచ్చన్’ రీమేక్ కి ఆయన దర్శకత్వం వహించనున్నాడు.
హిందీలో అజయ్ దేవగన్ పోషించిన పాత్రను వెంకటేష్, అభిషేక్ బచ్చన్ పోషించిన పాత్రని రామ్ పోషించనున్నాడు. ఇప్పటికే వెంకటేష్ – విజయభాస్కర్ కాంబినేషన్లో వచ్చిన ‘నువ్వు నాకు నచ్చావ్’, ‘మల్లీశ్వరి’ సినిమాలు మంచి విజయాన్ని అందుకున్నాయి. స్రవంతి రవికిషోర్ – సురేష్ బాబు సంయుక్తంగా నిర్మించనున్న ఈ సినిమా పూర్తి వివరాలు త్వరలోనే తెలియజేయనున్నారు.