‘ఎఫ్ 2’ ‘వెంకీ మామ’ సినిమాలతో హి ఈజ్ బ్యాక్ అనిపించుకున్న విక్టరీ వెంకటేష్ జాగ్రత్తగా సినిమాల్ని ప్లాన్ చేసుకుంటున్నారు. ప్రస్తుతం ‘నారప్ప’ సినిమా చేస్తున్న ఈ సీనియర్ హీరో, యంగ్ డైరెక్టర్ తరుణ్ భాస్కర్ తో కూడా ఆ మధ్య ఓ ప్రాజెక్ట్ చేయాలనుకున్నారు. కాగా తాజాగా సినీ వర్గాల సమాచారం ప్రకారం తరుణ్ భాస్కర్ స్క్రిప్ట్ ను పూర్తి చేశారట. ఫుల్ స్క్రిప్ట్ విన్న వెంకీ మరియు సురేష్ బాబు కూడా ఈ సినిమాకి గ్రీన్ సిగ్నల్ ఇచ్చినట్లు తెలుస్తోంది. నారప్ప షూటింగ్ పూర్తవ్వగానే ఈ సినిమా షూటింగ్ మొదలుకానుంది.
కాగా ఈ సినిమా హార్స్ రేసింగ్ నెపథ్యంలో సాగుతుందని, చాలా వరకు సినిమాలో మంచి ఎంటర్ టైన్మెంట్ ఉంటుందని తెలుస్తోంది. మొత్తానికి ‘వెంకీ’ నుండి కొత్త బ్యాక్ డ్రాప్ లో వస్తోన్న ఈ సినిమా కోసం వెంకీ ఫ్యాన్స్ ఆసక్తిగా ఎదురుచూస్తున్నారు. ఇకపోతే ఈ చిత్రాన్ని వెంకీ హోమ్ బ్యానర్ సురేష్ ప్రొడక్షన్స్ నిర్మించనుంది. ప్రస్తుతం విక్టరీ వెంకటేష్ 74వ చిత్రం ‘నారప్ప’ రెగ్యులర్‌ షూటింగ్ శరవేగంగా జరుగుతుంది.