పాన్ ఇండియా స్టార్ ప్రభాస్ హీరోగా ఇపుడు నటిస్తున్న అవైటెడ్ చిత్రాల్లో దర్శకుడు మారుతీతో చేస్తున్న అవైటెడ్ చిత్రం “ది రాజా సాబ్” కూడా ఒకటి. రీసెంట్ గా వచ్చిన ట్రైలర్ మరిన్ని అంచనాలు సెట్ చేసుకోగా ఇప్పుడు అంతిమ దశకి షూటింగ్ కొనసాగుతుంది. అయితే ప్రభాస్ సినిమాలు అంటే అందులో నటిస్తున్న నటీనటులు ముక్త కంఠంతో ఒకటే మాట చెప్తారు. అదే ప్రభాస్ ఇచ్చే ఆథిత్యం కోసం. ముఖ్యంగా ప్రభాస్ మంచి భోజన ప్రియుడు అని అందరికీ తెలిసిందే.
తన ప్రేమ అంతా కడుపు నిండా తిండి పెట్టడంలోనే చూపిస్తాడేమో అనే రేంజ్ లో తన హీరోయిన్స్, దర్శకులు నటులకు చూపిస్తాడు. మరి తాజాగా ఈ లిస్ట్ లో బాలీవుడ్ నటుడు సంజయ్ దత్ కూడా చేరారు. సంజయ్ దత్ ది రాజా సాబ్ లో కూడా నటిస్తుండగా రాజా సాబ్ చేస్తున్నప్పుడు అంతా నేను చాలా తింటూనే ఉన్నాను అది ప్రభాస్ వల్లే అంటూ రీసెంట్ మీడియా ఇంటరాక్షన్ లో చెప్పుకొచ్చారు. దీనితో మరోసారి డార్లింగ్ ఇచ్చే ఆథిత్యం కోసం సోషల్ మీడియాలో వైరల్ గా మారింది.
