యూనివర్సల్ హీరో కమల్ హాసన్ అలాగే దిగ్గజ దర్శకుడు మణిరత్నం కలయికలో వచ్చిన నాయకుడు సినిమా తర్వాత మళ్ళీ ఆ రేంజ్ సినిమాని ఫ్యాన్స్ ఆశిస్తే అందుకు భిన్నంగా నిరాశపరిచే సినిమాని “థగ్ లైఫ్” గా అందించారు. దీంతో ఈ సినిమా రిలీజ్ అయ్యిన మొదటి రోజు నుంచే పెద్ద ఎత్తున డ్రాప్ ని చూడాల్సి వచ్చింది. అయితే ఈ సినిమా ఇలా థియేటర్స్ లోకి వచ్చిన వెంటనే ఓటిటి రిలీజ్ కోసం కూడా చర్చ మొదలైంది.
ముందు ఈ సినిమాని కేవలం 8 వారాలు తర్వాత మాత్రమే విడుదల చేస్తామని చెప్పారు మేకర్స్. కానీ ఫలితం బెడిసికొట్టడంతో ఈ సినిమాని నెట్ ఫ్లిక్స్ ముందే తీసుకొస్తుంది అని టాక్ వచ్చింది. ఇక లేటెస్ట్ గా అయితే రిలీజ్ డేట్ పై కొత్త బజ్ వినిపిస్తుంది. దీనితో థగ్ లైఫ్ చిత్రం ఈ జూన్ 27 లేదా జూలై 4న ముందుగా దక్షిణాది భాషల్లో అందుబాటులోకి వచ్చేస్తుంది అని తెలుస్తుంది. ఇక హిందీ వెర్షన్ ని జూలై 31కి ప్లాన్ చేస్తున్నట్టుగా వినికిడి. మరి దీనిపై అధికారిక క్లారిటీ రావాల్సి ఉంది.