శ్రీను వైట్ల బాగా డిమాండ్ ఉన్న దర్శకుడు. ఆయన తీసిన ‘దూకుడు’ చిత్రం బ్లాక్బస్టర్ హిట్ కావడంతో ఆయన తన రేటును భారీగా పెంచేసారు. ఇండస్ట్రీ వర్గాల సమాచారం ప్రకారం ఆయన యంగ్ టైగర్ ఎన్టీఆర్ తో తీయబోయే సినిమా కోసం దాదాపుగా 10 కోట్ల రూపాయలు అడిగినట్లు సమాచారం. ఒక తెలుగు దర్శకుడికి ఇది భారీ రేటు అని చెప్పుకోవాలి. ఈ అమౌంట్ కి నిర్మాత అంగీకరించాడా లేదా అనేది మాత్రం ఇంకా తెలియరాలేదు. అగ్ర హీరోలు కూడా తమ రేమ్యురేషణ్ భారీగా పెంచేసినట్లు నిన్న మేము తెలిపాము. ఈ చిత్రాన్ని గణేష్ బాబు నిర్మిస్తుండగా చిత్ర ముహూర్తం మార్చి 18న జరగనుంది. విశ్వసనీయ సమాచారం ప్రకారం ఎన్టీఆర్ స్టైల్లో మాస్ యాక్షన్ గా ఉంటుందనీ, శ్రీను వైట్ల బ్రాండ్ కామెడీ కూడా ఉంటుందని సమాచారం.