బాల్కనీ ఒరిజినల్స్, బుశెట్టి జువెల్లర్స్ సమర్పణలో, ప్రేమ్ కుమార్ వలపల నిర్మాణంలో మురళీ కృష్ణ తుమ్మ తెరకెక్కించిన డాక్యుమెంటరీ ‘ప్రొద్దుటూరు దసరా’ శుక్రవారం ప్రదర్శించబడింది. ఈ కార్యక్రమానికి కరుణ కుమార్, మహేష్ విట్టా, ఉదయ్ గుర్రాల, విప్లవ్ తదితరులు హాజరయ్యారు.
దర్శకుడు కరుణ కుమార్ ఈ డాక్యుమెంటరీ అత్యంత ఎంగేజింగ్‌గా ఉందని, డాక్యుమెంటరీలపై ఉన్న అభిప్రాయాల్ని మార్చిందని ప్రశంసించారు. మహేష్ విట్టా ప్రొద్దుటూరులో దసరా ఉత్సవాలు ఎంత అద్భుతంగా జరుగుతాయో గుర్తుచేసుకున్నారు. ఉదయ్ గుర్రాల డాక్యుమెంటరీని చరిత్రను నిలబెట్టే గొప్ప ప్రయత్నమని అభినందించారు.
నిర్మాత ప్రేమ్ కుమార్, సంగీత దర్శకుడు యశ్వంత్ నాగ్, కెమెరామెన్ నిఖిల్‌ కృషిని అందరూ ప్రత్యేకంగా ప్రస్తావించారు. ఈ డాక్యుమెంటరీ ప్రొద్దుటూరులో దసరా వైభవాన్ని ప్రపంచానికి పరిచయం చేస్తుందని ప్రముఖులు అభిప్రాయపడ్డారు.