నటసింహం నందమూరి బాలకృష్ణ నటించిన ‘లక్ష్మీ నరసింహ’ చిత్రం 2004లో సంక్రాంతి కానుకగా విడుదలై పెద్ద విజయం సాధించిన విషయం విదితమే. ఇన్ని సంవత్సరాల తర్వాత ఈ చిత్రాన్ని హిందీలో మళ్లీ తీయబోతున్నారు. సంజయ్ దత్ హీరోగా కె.ఎస్ రవి కుమార్ దర్శకత్వంలో ఈ చిత్రం రాబోతున్నట్లు సమాచారం. సంజయ్ దత్ స్వయంగా ఈ చిత్రాన్ని నిర్మిస్తారని కూడా విశ్వసనీయవర్గాల సమాచారం. దీని గురించి అధికారికంగా త్వరలో ప్రకటించనున్నారు. సౌత్ ఇండస్ట్రీ భారీ విజయాలు నమోదు చేస్తుండటంతో బాలీవుడ్ సౌత్ సినిమాల కోసం పరుగులు తీస్తుంది.