మాస్ మహారాజ రవితేజ నటిస్తున్న సోషియో ఫాంటసి ఎంటర్టైనర్ చిత్రం ‘దరువు’ మార్చిలో విడుదలకు సిద్ధమవుతుంది. విశ్వసనీయ సమాచార ప్రకారం చిత్ర నిర్మాత మార్చి 15న విడుదల చేయాలని సన్నాహాలు చేస్తున్నారు. ప్రస్తుతం బ్యాంకాక్ లో షూటింగ్ జరుపుకుంటున్న ఈ చిత్ర యూనిట్ త్వరలోనే హైదరాబాద్ రానుంది. శివ దర్శకత్వం వహిస్తున్న ఈ చిత్రానికి బూరుగుపల్లి శివరామకృష్ణ నిర్మిస్తున్నారు. రవితేజ సరసన తాప్సీ హీరొయిన్ గా నటిస్తుంది. తాప్సీ గతంలో రవితేజ సరసన ‘వీర’ చిత్రంలో నటించింది. రవితేజ చాలా వేగంగా చిత్రాలు పూర్తి చేస్తున్నాడు. అతను నటించిన ‘నిప్పు’ ఈ వారంలో విడుదల కాబోతుండగా దరువు చిత్రం కాకుండా పూరి జగన్నాధ్ దర్శకత్వంలో ‘దేవుడు చేసిన మనుషులు’ చిత్రం కూడా త్వరలోనే బ్యాకాక్ లో ప్రారంభం కానుంది. 2012 లో రవితేజ నటించిన మూడు చిత్రాలు పైగా విడుదల కాబోతున్నాయి.