రవితేజ నటిస్తున్న చిత్రంలోని ఒక పాట కోసం 17 జెనరేటర్లు ఉపయోగించారు. శౌర్యం శివ దర్శకత్వంలో రవితేజ హీరోగా తెరకెక్కుతున్న ‘దరువు’ చిత్రంలో ప్రత్యేకంగా వేసిన ఒక సెట్లో పాట చిత్రీకరిస్తున్నారు. అయితే ఈ సెట్లో భారీ లైట్స్ ఉపయోగించారు. ఈ లైట్స్ కోసం కరెంట్ కూడా భారీగా అవసరం ఉండటంతో 17 జెనరేటర్లు ఉపయోగించారు. శివ దరువు చిత్రాన్ని సోషియో ఫాంటసీ గా తీర్చిదిద్దుతున్నట్లు సమాచారం. ప్రస్తుతం ఈ చిత్రానికి సంబదించిన కీలక సన్నివేశాలు రామోజీ ఫిలిం సిటీలో చిత్రీకరిస్తున్నారు. త్వరలో పాటల చిత్రీకరణ కోసం విదేశాలకు వెళ్లనున్నట్లు సమాచారం. రవితేజకి జోడీగా తాప్సీ నటిస్తుండగా బూరుగుపల్లి శివరామకృష్ణ ఈ చిత్రాన్ని నిర్మిస్తున్నారు. విజయ్ అంటోనీ సంగీతం అందిస్తున్నారు.