ప్రస్తుతం మాస్ మహారాజ్ రవితేజ నటిస్తున్న సినిమా ‘బలుపు’. గతంలో ఫన్నీ, మాస్ ఎంటర్టైనర్ గా సినిమాల్లో నటించి ప్రేక్షకుల్ని మెప్పించిన రవితేజ ఇప్పుడు తనలోని మరో కోణాన్ని చూపించనున్నాడు. అదేమిటంటే రవితేజ ‘బలుపు’ సినిమాలో ఒక పాటని పాడాడు. ఈ సినిమాకి గోపీచంద్ మలినేని దర్శకత్వం వహిస్తున్నాడు. ఈ సినిమాలో రవితేజ సరసన శృతి హసన్, అంజలి హీరోయిన్స్ గా నటిస్తున్నారు.లక్ష్మీ రాయ్ ప్రత్యేక పాత్రలో కనిపించనుంది. ఈ సినిమా షూటింగ్ ఈ మధ్య బ్యాంకాక్ లో జరిగింది. ఎస్.ఎస్. థమన్ సంగీతాన్ని అందిస్తున్న ఈ సినిమాని పీవీపీ సినిమాస్ బ్యానర్ పై ప్రసాద్ వి పొట్లూరి నిర్మిస్తున్నాడు. ఈ సినిమా ఆడియోని జూన్ 1న విడుదల చేయనున్నారు. ఈ సినిమా పూర్తి మాస్ ఎంటర్టైనర్ గా తెరకెక్కుతోంది. రవితేజ ఈ సినిమాలో పూర్తిగా మాస్ లుక్ లో గతంలో ‘వెంకి’ సినిమాలో మాదిరిగా కనిపించనున్నాడు. ఈ సినిమాకు సంబందించిన పూర్తి వివరాలను త్వరలో తెలియజేస్తాము.