మళ్ళీ ప్రభాస్ తో అప్పుడే అంటున్న భళ్లాలుడు.!

దర్శక ధీరుడు రాజమౌళి యంగ్ రెబల్ స్టార్ ప్రభాస్ మరియు దగ్గుబాటి రానా లతో తెరకెక్కించిన భారీ బడ్జెట్ చిత్రం “బాహుబలి” సిరీస్ ను ఇండియన్ సినిమా ప్రేక్షకులు ఎప్పటికీ మర్చిపోలేరు. మరి అలాగే ఈ చిత్రంలో హీరో విలన్ ఇద్దరి పాత్రలను చూపిన విధానం కూడా ఒక సెన్సేషనల్ హీరో అండ్ విలన్ రైవలరీగా నిలిచింది. అయితే మరి దీనికి సంబంధించే సోషల్ మీడియాలో నెట్ ఫ్లిక్స్ నుంచి ఓ టాపిక్ వచ్చింది.

మీ ఫేవరెట్ విలన్ ఒకప్పుడు చెప్పాడు అనే టైప్ లో తమ ఫాలోవర్స్ ను ఒక డైలాగ్ అడిగారు. దానికి రానా బాహుబలిలో తాను చెప్పిన ఓ డైలాగ్ ను రిప్లై ఇచ్చాడు. మరి ఈ సమయంలోనే మళ్ళీ మీ కాంబోను ఎప్పుడు చూడొచ్చు అని ఓ ఫాలోవర్ రానాను అడగ్గా బాహుబలి లోని ప్రభాస్ మరియు తాను కలిపి ఉండే ఓ పవర్ ఫుల్ పోస్టర్ పెట్టి “మళ్ళీ ఈ బొమ్మను మ్యాచ్ అయ్యే కథ ఉన్నప్పుడే” అని చెప్పేసాడు. అంటే మళ్ళీ బాహుబలి రేంజ్ కథ దొరికితే కానీ భళ్లాలుడు బాహుతో కనిపించడని చెప్పాలి.