గ్లోబల్ స్టార్ రామ్ చరణ్ హీరోగా బుచ్చిబాబు దర్శకత్వంలో రూపొందుతున్న చిత్రం ‘పెద్ది’. ఈ సినిమా పై పాన్ ఇండియా స్థాయిలో భారీ అంచనాలు ఉన్నాయి. రామ్ చరణ్ టాలీవుడ్‌లో 18 సంవత్సరాలు పూర్తి చేసుకున్న సందర్భంగా, మేకర్స్ ఒక అద్భుతమైన కొత్త పోస్టర్‌ను రిలీజ్ చేశారు. చరణ్ రైల్వే ట్రాక్‌పై నిలబడి ఉన్న ఈ లుక్ చాలా బాగుంది. అభిమానులను ఉత్సాహ పరిచింది. పెద్దిలో చరణ్ పాత్ర వెండితెరపై నిజమైన వేడుకగా ఉంటుందని బృందం హామీ ఇచ్చింది.
కాగా, ఇప్ప‌టి వ‌ర‌కూ చరణ్ నుంచి వచ్చిన అన్ని చిత్రాల కంటే.. ఈ సినిమా చాలా భిన్నంగా ఉండబోతుందని టాక్. మొత్తానికి బుచ్చిబాబు రాసిన ఈ సినిమా స్క్రిప్ట్ చాలా భిన్న‌మైందట. అన్నట్టు ‘పెద్ది’ వచ్చే ఏడాది మార్చి 27న రిలీజ్ కానుంది. జాన్వీ కపూర్ హీరోయిన్‌గా నటిస్తున్న ఈ సినిమాలో శివ రాజ్‌కుమార్, జగపతి బాబు, దివ్యేంద్రు శర్మ తదితరులు ఇతర ముఖ్య పాత్రల్లో నటిస్తున్నారు. మరి పెద్ది సినిమా ఎలాంటి సెన్సేషన్ క్రియేట్ చేస్తుందో చూడాలి. రెహమాన్ ఈ చిత్రానికి స్వరాలు అందిస్తున్నారు.