ప్రముఖ దర్శకుడు గౌతమ్ మీనన్ ప్రస్తుతం ‘నీతానే ఎన్ పోన్వాసంతం’ చిత్రంలో బిజీగా ఉన్నారు. జీవా-సమంత నటిస్తున్న ఈ చిత్రం తెలుగులో కూడా రూపొందుతుంది. తెలుగు వెర్షన్ లో నాని మరియు సమంత నటిస్తున్నారు. మొదట్లో రామ్ నటించాల్సి ఉండగా డేట్స్ సర్దుబాటుకాకపోవడంతో తప్పుకున్నారు. ఈ సినిమాకి ఆస్కార్ విన్నర్ రెహమాన్ సంగీతం అందించాల్సి ఉండగా ఆయన కూడా తప్పుకున్నట్లు సమాచారం. విశ్వనీయ వర్గాల సమాచారం ప్రకారం రెహమాన్ పలు అంతర్జాతీయ ప్రాజెక్టులతో బిజీగా ఉండటంతో ఆయన తప్పుకున్నట్లు, హారిస్ జయరాజ్ సంగీతం అందించనున్నట్లు సమాచారం. గతంలో రెహమాన్-గౌతమ్ కలిసి ‘ఏ మాయ చేసావే’ చిత్రం చేసారు. హారిస్-గౌతమ్ కాంబినేషన్లో కూడా చాలా హిట్ సినిమాలు వచ్చాయి.