‘తకిట తకిట’, ‘అవును’ ఫేం హర్ష వర్ధన్ రాణే, విష్ణువర్ధన్, హరీష్ వితిక, రితు, శ్రీ ముఖి ప్రధాన పాత్రల్లో నటిస్తున్న సినిమా ‘ప్రేమ ఇష్క్ కాదల్’. ఈ సినిమా డిసెంబర్ 6న ప్రేక్షకుల ముందుకు రానుంది. ఇప్పటికే విడుదలైన ఈ మూవీ ఆడియోకి మంచి రెస్పాన్స్ వచ్చింది. ‘అందాల రాక్షసి’ ఫేం శ్రవణ్ ఈ మూవీకి మ్యూజిక్ కంపోజ్ చేసాడు.
ఈ సినిమాలో మూడు విభిన్న ప్రేమ కథాంశాలను 3 జంటల మధ్య చూపించనున్నారు. పవన్ సదినేని డైరెక్టర్ గా పరిచయమవుతున్న ఈ సినిమాని బెక్కం వేణుగోపాల్ నిర్మిస్తున్నాడు. చాలా రోజుల క్రితం షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ కార్యక్రమాలు కూడా దాదాపు పూర్తయ్యాయి.