కెమెరామెన్ గంగతో రాంబాబు పోస్ట్ ప్రొడక్షన్ కార్యక్రమాలు కూడా చివరి దశకు చేరుకున్నాయి. ఒక వైపు సినిమా ఫైనల్ మిక్సింగ్లో ఉండగా, రెండు రోజులు రాత్రిళ్ళు కూడా డబ్బింగ్ చెప్పిన రాంబాబు ఈ రోజుతో డబ్బింగ్ అంతా పూర్తి కానుంది. ఇప్పటికే డబ్బింగ్ అంతా పూర్తయింది కాని మైనర్ కరెక్షన్స్ కోసం ఈ రోజు పవన్ కళ్యాణ్ డబ్బింగ్ చెప్పనున్నారు. మిగతా పోస్ట్ ప్రొడక్షన్ పనులు పూర్తి చేసుకుని ఈ వారాంతంలో సెన్సార్ పనులు కూడా పూర్తి చేసుకుని అక్టోబర్ 18 న సినిమాని విడుదల చేయనున్నారు. చిత్ర దర్శకుడు పూరి జగన్నాధ్ మరియు చిత్ర నిర్మాతలు డివివి దానయ్య, రాధాకృష్ణ సినిమా అవుట్ పుట్ పై చాలా సంతోషంగా ఉన్నారు. గబ్బర్ సింగ్ ని మించి పెద్ద హిట్ అవుతుందన్న నమ్మకంతో వారు ఉన్నారు.